Дар шаҳрамон ба муносибати Рӯзи ҷавонони Тоҷикистон ҷамъомади тантанавӣ баргузор гардид, ки бо иштироки ҷавонон ва сокинони шаҳр сурат гирифт.  Раиси шаҳр Ғайбулло Боҳирӣ кули ҷавононро бо ин рӯзи идона шодбош гуфта, ҷавононро нерӯи устувору пешбарандаи ҷомеа арзёбй намуд.  Сипас ба як гурӯҳ ҷавонони фаъоли шаҳрамон, ки дар олимпиадаҳои фаннии ҷумхуриявӣ аз фанҳои гуногун сазовори ҷойҳои намоён ва бо медалҳои тиллою биринҷй мукофотонида шудаанд, компютер ва дигар тӯҳфаҳои хотиравии мақомоти иҷроияи ҳокимияти давлатии шаҳр тақдим карда шуда, барояшон фатҳи қуллаҳои баланди илму дониш таманно гардид.

Якчанд нафар ҷавонон бо суханхои табрикотӣ баромад карда, зикр доштанд, ки бар ивази ғамхориву таваҷҷӯҳҳои Ҳукумати кишвар, вилоят ва шахр дар минбаъда низ хубу аъло хонда, бахри ободиву шукуфоии ватан сахмгузор хоханд шуд.

Барномаи консертии хунармандони чавони шахрамон ба тантана шукухи хоса бахшид.