Инак пас аз чанд муддат мавсими таътили тобистонаи мактаббачагон фаро мерасад.  Бо мақсади бо истироҳати хуб фаро гирифтани мактабиёну наврасон алҳол омодагиҳо дар урдугоҳҳои бачагонаи шаҳрамон идома дорад.

20 май Раиси шаҳр Г.Бохирӣ баҳри шиносоӣ аз вазъи омодагӣ   ба мавсими истироҳатӣ аз   урдугоҳи «Парасту» дидан намуд.  Зимни боздид аз ҷойи хоб, майдончаҳои бозӣ, ҳуҷраи тиббӣ ва шароитҳои урдугоҳ шинос шуда, баҳри бартараф кардани баъзе камбудиҳо, риояи талаботҳои санитарӣ ба масъулин супоришҳо дод. Тавсия дода шуд, ки дар роҳравҳои урдугоҳ шиору гуфторҳои ватандӯстона ва панду андарзҳои тарбиявӣ насб карда шавад.

Урдугоҳи «Парасту» имкон дорад дар як баст то 100 нафар истироҳаткунандагонро қабул намояд.  Ҳоло   корҳои ободонӣ ва таъмир идома дошта, то санаи 15 июн урдугоҳ пурра ба қабули бачаҳо омода мегардад.