Санаи 20 май дар Қасри фарҳанги «Мошинсозон» консерти ҳисоботии ансамбли Шашмақоми назди шӯъбаи фарҳанг баргузор гардид. Дар консерт дӯстдорони савти миллии Шашмақом иштирок карда, аз суруду оҳангҳои дилнишини мақом баҳраманд гардиданд.  Барномаи хунарӣ аз намоиши филм, ки доир ба кору фаъолият ва дастовардҳои 20 солаи ансамбл таҳия гардида буд, оғоз гардид.

Раиси шаҳр Ғ.Боҳирӣ аъзоёни ансамбли Шашмақоми шаҳрамонро бо дастовардҳои баланди хунарӣ таҳният намуда, барояшон фатҳи қуллаҳои баланди ҳунарро таманно намуд.

Сипас беҳтарин таронаҳои орифонаи шашмақом пешкаши ҳозирин гардонида шуда, иштирокдорон ҳар як суруду оҳангҳои ҳунармандонро бо дастагулҳо истиқбол намуданд. Дастпарварони ансамбли Шашмақоми шаҳри Конибодом Ҷамшед Эргашев, Хуршед Иброҳимов, шодравон Зумрад Самиҷонова, ҳунарманди наврас Фирдавс Неъматов то имруз ҳунари асили шашмақомро на танҳо дар ҷумхурӣ, балки берун аз он муаррифӣ карда, дар сароидани сурудҳои мақом беназиранд.  Ҳоло ансамбл бо роҳбарии донандаи хуби шашмақом Шӯҳрат Эргашев наврасони наверо ба ансамбл ҷалб намуда, ин ҳунари волоро   меомузонанд.