Бо  ташаббуси  бахши  ҷавонон  варзиш  ва  сайёҳии  шаҳр  боздиди  хонандагону  толибилмони  синфҳои  болоии муассисаҳои  таълимии  шаҳр  дар  қисми  низомии шаҳрамон  баргузор  гардид.

Дар  ин  шиносоӣ  афсарони  қисми низомӣ  ба   хонандагон   оид  ба  қисмҳои  яроқҳои  оташфишони  автомат,  туфангча  ва  дигар  техникаҳои  ҳарбӣ  маълумот доданд.  Ҳамчунин  хонандагон  аз  ҷойи  хобу  истироҳат,  ошхона , майдончаи  варзишӣ  ва  шароитҳои  хизмати  сарбозону  афсарон  аз  наздик  шинос  гардиданд. 

Дар  ин  қисми  ҳарбӣ  тамоми  шароитҳои  хизмат  ва  фароғат  барои  сарбозон  муҳайё  буда,   ҳуҷраи  алоҳида  барои  мулоқот  бо  падару  модарон  низ  мавҷуд  аст.   Чунин  шароитҳо  имкон  медиҳад,  ки  ҷавонон  аз  хизмати  ҳарбӣ саркашӣ  накарда,  марзу  буми  диёри  хешро   содиқона  ҳимоя  намоянд.