Дар  мактаби  санъати  бачагонаи  шаҳр  Фестивал-озмуни  ҷумҳуриявии  ансамблҳои  тарона  ва  рақс  ва  ансамблҳои фолклорӣ-этнографӣ таҳти унвони “Таронаи  ваҳдат”  бахшида  ба  3000 солагии ноҳияи  Ҳисор  баргузор  гардид.   Дар  Фестивал  аз  рӯйи  5 номгӯи  шартҳои озмун,  аз  ҷумла  навозиши  умумӣ,  суруди  якка,  рақси  якка,  намоиши  маросимҳои анъанавии  миллӣ, навозиши  якка баромади  ҳаваскорони  санъати  шаҳрамон  пешкаши  ҳозирин  гардонида  шуд. 

Корманди  Раёсати  фарҳанги  вилояти  Суғд  Олимҷон  Юсупов  зимни  суханронии  худ  баромади  ҳаваскорони  санъати  шаҳрамонро   дар  сатҳи  баланди  омодагӣ  арзёбӣ  намуда,  ба  Рақси  яккаи  Наргис  Розиқова, суруди  яккаи   Мижгона  Иброҳимова  ва  ба  намоиши  маросими  анъанавии  арӯсбиёрон, ки  аз  ҷониби  кормандони  кӯдакистони ҷ.с.ба номи Э.Бойматова  нишон дода шуд,  баҳои  баланд  дод.

Алҳол  даври  аввали  озмуни  мазкур  дар  шаҳру  ноҳияҳо  доир  гардида,  даври  дуюми  он  дар  арафаи  таҷлили  3000 солагии Ҳисор  дар  ин  ноҳия  баргузор  ва  ҷамъбаст  карда  хоҳад  шуд