Дар Коллеҷи омӯзгории шаҳри Конибодом бахшида ба 140 солагии устод Садриддин Айнӣ конфронси илмӣ-адабӣ таҳти унвони “Айнӣ-афрӯзандаи шамъи хирад” баргузор гардид.

Дар конфронс номзади илмҳои педагогӣ Юнусов И., Аълочии маориф ва илми Тоҷикистон Ғаниев Т., намояндагони коллеҷи тиббӣ, Литсейи касбии саноати кишоварзӣ ва якчанд омӯзгорони мактабҳои миёнаи шаҳр ширкат варзиданд.

Омӯзгорони коллеҷ дар мавриди шахсияти устод Садриддин Айнӣ суханронӣ карда,маърӯзаҳои гуногун қироат карда шуд.

Маҳмудова М. дар мавзӯи “Садриддин Айнӣ - омӯзгор ва тарбиятгари насли наврас”, Абдуқодирова М. дар мавзӯи “Педагогическое наследие Садриддина Айни о воспитании подрастающего поколения” ва  Обидова Г.  дар мавзӯи “Қаҳрамони Тоҷикистон - Садриддин Айнӣ” маърӯза карданд.

Баъдан донишҷӯён аз эҷодиёти Садриддин Айнӣ порчаҳои назмӣ қироат карда, саҳнаи адабӣ намоиш дода шуд.

Дар фарҷом меҳмонон дар бораи конфронс ва шахсияти устод Айнӣ фикру назарашонро баён карданд.