Дар идомаи сафари корӣ ҳайати гуруҳи корӣ, ки ҷиҳати ташреҳи нуктаҳои Паёми Асосгузори сулҳу Ваҳдати миллӣ Пешвои миллат Президенти мамлакат муҳтарам Эмомалӣ Раҳмон ба шаҳри Конибодом ташриф овардаанд, аз ёдгориҳои таърихии шаҳр дидан намуданд. Аз ҷумла, аз ёдгории «Мадрасаи Оим», ки таърихи тӯлонӣ дошта, алҳол бо иқдоми Ташкилоти ҷамъиятии «Имдоди Ғайрат» аз нав эҳё гардида истодааст, боздид ба амал оварданд.Ҳамчунин, меҳмонон ба осорхонаи Мирраҷаб Додхоҳ ташриф оварда, дидан карданд.

Аъзоёни гуруҳ бо бинои мадраса ва таърихи он ошно гашта, ба нигораҳо ва ҳуҷраҳои он таваҷҷуҳ зоҳир карданд. Дар робита ба ин мадраса ва дигар мавзеъҳои таърихӣ изҳор шуд, дар шаҳри Конибодом барои рушди соҳаи сайёҳӣ заминаҳо мавҷуд буда, баҳри ҷалби сайёҳон  махсусан дар соли 2018, ки «Соли рушди сайёҳӣ ва ҳунарҳои мардумӣ» эълон гашт, аз тамоми имкониятҳо бояд истифода шавад.