Председатель города

Боҳирӣ Ғайбулло Нозир

Город в картинках

Slide 5
Slide 5
Slide 5
Slide 5
Slide 5
Slide 5
Slide 5

Местная газета

Посетители

220300
Сегодня
265
На этой неделе
2112
В этом месяце
7338
Итого
220300
Мо дар шабакаи иҷтимоии Facebook ************* Ҳисоботи 9 моҳа

20.11.2017

Бахшида ба солгарди Иҷлосияи ХVI ва Рӯзи Парчами давлатӣ

Дар коллеҷи технологии шаҳр ба номи Абдулаҳад Қаҳҳоров ба муносибати 25-умин солгарди Иҷлосияи ХVI ва Рӯзи Парчами давлатӣ бо чанд нафар иштирокчиёни Иҷлосия мулоқот доир шуд. Дар мулоқот узви Иттифоқи рӯзноманигорони ҷумҳурӣ, иштирокчии бевоситаи Иҷлосияи тақдирсоз Нуъмонҷон Муъминов, муовини раиси Шӯрои собиқадорони ҷангу меҳнати шаҳр, иштирокчии Иҷлосия Исмоилҷон Юсупов, муовини Сардори ШВКД ҶТ дар шаҳри Конибодом, иштирокчии Иҷлосия Иброҳим Раҷабов, фарзанди иштирокчии Иҷлосия Орипова Ф. иштирок ва баромад намуданд.

Ҷомеаи омӯзгорону донишҷӯёни ин боргоҳи илму ҳунар ва дигар муассисаҳои миёнаи касбӣ аз хотираҳои иштирокчиёни Иҷлосияи сарнавиштсоз нақлҳои ҷолиб шунавида, шоҳиди наворҳо аз ҷараёни кору рӯзгори собиқ вакили Иҷлосия Баҳромҷон Орипов гаштанд.

Алалхусус, иштирокчии бевоситаи Иҷлосияи тақдирсоз Нуъмонҷон Муъминов, ки дар таҳияи лоиҳаи Парчами давлатӣ ширкат варзидааст, суханронӣ намуда, вобаста ба ин рамзи давлатӣ ва дигар масъалаҳое, ки дар Иҷлосия баррасӣ шудаанд, маълумот дод.

Омӯзгорони коллеҷ низ бо маърӯзаҳои омоданамудаи хеш баромад намуда, донишҷӯён шеърҳои баландмазмун қироат намуданд.

Дар фарҷом аз ҷониби роҳбарияти коллеҷ ба иштирокчиёни Иҷлосия, ки дар мулоқот ширкат варзиданд, тӯҳфаҳои хотиравӣ тақдим гардид.

Ҳамин тавр, мулоқот самимиву судманд анҷом пазируфт.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Возврат к списку новостей